Մեր փորձառու և ջերմ անձնակազմը միշտ պատրաստ է աջակցել Ձեզ՝ ապահովելու, որ  ճամփորդությունը Հայաստանում լինի հաճելի և անմոռանալի։ Դեռևս Ձեր թռիչքից առաջ կարող եք կապ հաստատել մեզ հետ՝ պատվիրելու անհատականացված ծառայություններ և կազմակերպելու սենյակի նախապատրաստումը՝ Ձեր նախասիրություններին համապատասխան։ Պատվիրեք նաև օդանավակայանից տեղափոխման ծառայություն, իսկ մնացածը վստահեք մեզ։

Մեր բարապանները սիրով կդիմավորեն Ձեզ հյուրանոցի մուտքի մոտ և կհասցնեն Ձեր ուղեբեռը մինչև սենյակ, այդ ընթացքում մենք կկատարենք գրանցման գործընթացը՝ հարթ և անխափան։ Անկախ նրանից՝ ճամփորդում եք միայնակ, թե մեծ խմբով, մեր ընդունարանը կարող է արդյունավետ կերպով կազմակերպել ողջ գործընթացը։

Հարմարավետ տեղավորվելուց հետո մեր արթնացման ծառայությունը կապահովի, որ ժամանակին արթնանաք և վայելեք համեղ նախաճաշը, պատրաստ լինելու Ձեր առավոտյան հանդիպմանը՝ հագուստով, որը թարմ լվացված և արդուկված է մեր լվացքատան ծառայության կողմից։

Երեկոյան հետաքրքիր զբաղմունք  եք փնտրո՞ւմ։ Պարզապես դիմեք մեզ, և մեր անձնակազմն ամեն ինչ կանի, որ ապահովի Ձեզ տոմսերով՝ նույնիսկ ամենապահանջված միջոցառումների, կամ  ամրագրի սեղան՝ Երևանի ամենահեղինակավոր ռեստորաններում։ Մեր տաղանդավոր թիմը միշտ տեղեկացված է քաղաքի լավագույն ժամանցի հնարավորություններից և մեծ հաճույքով կկիսվի իր գիտելիքներով Ձեզ հետ։

Մեր շուրջօրյա գործող ընդունարանը և հյուրերի սպասարկման ծառայությունը խոսում է բազմաթիվ լեզուներով և պատրաստ է կամուրջ դառնալ Ձեր և արտաքին աշխարհի միջև։ Անկախ նրանից՝ տաքսի եք պատվիրում, դրամարկղային հարցեր եք կարգավոում կամ ցանկանում եք արագ կազմակերպել հյուրանոցից դուրսգրման գործընթացը՝ մենք երաշխավորում ենք հաճելի և հարմարավետ հանգիստ Ani Plaza Hotel-ում՝ Ձեր այցի առաջին պահից մինչև վերջինը։

Ռեստորան
Այցելեք «Անի»  ռեստորան և վայելեք իսկական համերի խնջույք։ Համտեսեք իսկական հայկական ուտեստներ՝ զուգորդված Ձեր կողմից արդեն սիրված եվրոպական և միջազգային ճաշատեսակների հետ։ Մեր շեֆ-խոհարարի եզակի մոտեցումը՝ ավանդականի և ժամանակակիցի համադրությամբ, ստեղծում է յուրահատուկ համային փորձառություն՝ օգտագործելով միայն ամենաթարմ տեղական բաղադրիչները և խոհարարական յուրահատուկ մոտեցում՝ ընդգծելով Հայաստանի օրգանական բնության բնորոշ բույրերն ու համերը։

Տավարի, խոզի միսն ու կաթնամթերքը մատակարարվում են անմիջապես ֆերմայից։ Մեր տոլման, թարմ աղցանները, խորոված ձկնեղենն ու կրակի վրա պատրաստված մսային ուտեստները երկար ժամանակ հաճելի հիշողություն կթողնեն։

Նախաճաշ
Ասում են՝ նախաճաշը օրվա ամենակարևոր սնունդն է։ Իսկ, երբ այն ներկայացված է որպես լիարժեք բուֆե՝ եզակի հայկական համերով և հմուտ պատրաստված միջազգային ճաշատեսակներով, դժվար է չհամաձայնել։ Բոլոր բաղադրիչները թարմ են և տեղական արտադրության, ներառյալ կաթնամթերքը՝ պանիր, մածուն, կաթ, սերուցք, որոնք մատակարարվում են անմիջապես Bandivan Kat ֆերմայից, որը հայտնի է որակի նույնքան բարձր չափանիշներով, որքան մեր հյուրանոցը։

Գարդեն Բար

Երևանը Եվրոպայի ամենաարևոտ քաղաքներից մեկն է․ այն տարեկան գրեթե երեք հազար ժամ արևի լույս է տեսնում։ Գարնանից մինչև աշուն չկա ավելի հիանալի վայր արևը վայելելու համար, քան մեր բացօթյա Գարդեն Բարը։ Անթերի վայր՝ հանդիպման, գրքով հանգստանալու, առավոտյան էներգիայով լի սուրճի բաժակի կամ երեկոյան հանգստացնող տաք շոկոլադի համար։ Մեր հարմարավետ տեռասը, որը տեղակայված է Ani Plaza Hotel-ի ներքին խաղաղ բակում, հիանալի վայր է հանգստանալու և առանձնանալու համար։

Թեպետ Երևանը հայտնի է իր բազմաթիվ սրճարաններով, մենք շարունակում ենք հպարտանալ մեր հյուրերին մատուցվող բարձրորակ սուրճով և թեյով՝ զուգորդված մեր շեֆի թարմ և ախորժելի թխվածքներով։

Լաունջ Բար

Երբ երեկոյան զով օդը պատում է Երևանի կենտրոնը, քաղաքի ամենաէլեգանտ գիշերային վայրերից մեկը արթնանում է։ Ուրախ զրույցներն ու կենացները միախառնվում են ժամանակակից մեղմ երաժշտության հնչյունների հետ։ Գավաթները՝ լցված հնեցված կոնյակով ու գինով, տեղական և միջազգային լիկյորներով, սեզոնային կոկտեյլներով ու տեղական անակնկալներով, բարձրացվում են նոր փորձառությունների կենացով։

Մի՛ մոռացեք պատվիրել հայկական գինի՝ հազարավոր տարիների պատմություն ունեցող ազգային հպարտությունը։

«Սնեժինկա» սրճարան

Դուրս գալիս կանգ առեք մի բաժակ սուրճի համար, և ինչու չէ՝ մնացեք նաև լանչի:

«Սնեժինկա» սրճարանը Ani Plaza Hotel-ի առաջարկած ժամանցի, համեղ ուտեստների և ըմպելիքների բազմաթիվ տարբերակներից մեկն է։ Ժամանակակից ինտերիերը ստեղծում է հանգիստ, առանձնացված միջավայր, իսկ արևոտ եղանակին տեռասը դառնում է հիանալի վայր՝ վայելելու  Երևանի աշխույժ ու գունեղ կյանքը։

Մեր բազմազան ճաշացանկում կարող եք գտնել ամեն ինչ՝ սկսած լանչի հատուկ առաջարկներից մինչև ապուրներ ու աղցաններ, սուրճ և թեյ, իսկ երեկոյան վայելեք համեղ կոկտեյլ, որը կամբողջացնի օրվա հաճելի տպավորությունները։

Հոգ տարեք մտքի, մարմնի և հոգու մասին Ձեր ուղևորության ընթացքում

Ճանապարհորդությունը ընդլայնում է մտահորիզոնը և թարմություն է բերում հոգուն, իսկ Ani Plaza Hotel-ում մենք առաջարկում ենք կատարյալ հանգստի և առողջության համադրություն։ Վայելեք համեղ ուտեստները, բացահայտեք քաղաքի տեսարժան վայրերը, մասնակցեք կարևոր բիզնես հանդիպումների՝ վստահ լինելով, որ կարող եք հետևել Ձեր առողջ ապրելակերպին։

Սուզվեք մեր տաքացվող լողավազանը, մարզվեք օդորակիչ ունեցող մարզասրահում, կամ պարզապես պարգևեք Ձեզ հաճույք սպա կենտրոնի հանգստացնող մերսման միջոցով։

Փակ լողավազան

Անկախ եղանակից՝ անձրևային թե ձնառատ, առավոտ թե երեկո՝ մեր հյուրերը միշտ վայելում են ջրի հանգստացնող ձայնը՝ լողի ընթացքում։ Ani Plaza Hotel-ի փակ լողավազանը՝ 18×6 մետր չափերով, իդեալական է մարզավիճակը պահպանելու համար։ Լողավազանը հագեցած է ջերմաստիճանի վերահսկման և ջուրը միշտ մաքուր պահող ժամանակակից տեխնոլոգիաներով։ Այն զերծ է քլորից՝ ջուրը մշտապես մաքրվում է ուլտրամանուշակագույն լույսի և օզոնի համադրությամբ։

* Խնդրում ենք բոլոր այցելուներին օգտագործել լողի գլխարկ։

* Լողավազանն ու սաունան փակ են յուրաքանչյուր երկուշաբթի՝ սանիտարական մաքրման համար։

Սաունա

Եթե մկանային լարվածություն եք զգում մարզվելուց կամ երկար զբոսանքից հետո Երևանի կենտրոնում, Ani Plaza Hotel-ի սաունան կօգնի վերականգնել մկանների ուժն ու թեթևացնել հոդերի ծանրաբեռնվածությունը։ Բարձր ստանդարտներով կառուցված սաունայի տաք և փափուկ օդը խթանում է մաշկի մաքրումը, օգնում է օրգանիզմից դուրս բերել տոքսինները։ Իսկ եթե օրվա զբաղվածությունը թույլ չի տվել Ձեզ մարզվել՝ սա հրաշալի միջոց է այրելու օրվա ընթացքում կուտակված կալորիաները և դուրս հանելու տոքսինները, իսկ եթե բաց եք թողել Ձեր առօրյա մարզումը, մասնագետներն անգամ նշում են, որ սաունան արագ և հաճելի միջոց է այրելու այն համեղ կալորիաներից մի քանիսը, որոնք վայելել եք Ձեր ճաշի ընթացքում։

Մարզասրահ

Անգամ, եթե Ձեր ճամփորդությունը Հայաստանում լինի լի արկածներով, ինտենսիվ մարզումը երբեք իր տեղը չի զիջում։ Ani Plaza Hotel-ի ժամանակակից և լուսավոր մարզասրահը համալրված է բոլոր անհրաժեշտ սարքավորումներով, որպեսզի Դուք կարողանաք հետևել Ձեր մարզման ցուցանիշներին՝ վազքի, հեծանվավազքի կամ ուժային վարժությունների ժամանակ։ Եթե Ձեզ անհրաժեշտ է աջակցություն կամ խորհուրդ, մեր փորձառու մարզիչը սիրով կօգնի։

Գեղեցկության սրահ

Ձեր սանրվածքը, մատնահարդարումը, մաշկի խնամքն ու շատ այլ ծառայություններ հասանելի կլինեն Ձեզ համար հյուրանոցում։ Անկախ նրանից՝ մասնակցում եք հարսանեկան արարողության, կարևոր գործնական հանդիպման, թե պարզապես գնահատում եք վարպետ վարսահարդարի կամ սափրիչի աշխատանքը՝ մեր գեղեցկության սրահում Ձեզ են սպասում բարձրակարգ մասնագետներ, ովքեր պատրաստ են ընդգծել Ձեր լավագույն կողմերը։

Համադրեք այս ծառայությունը մարզասրահի և սպա կենտրոնի այցելության հետ՝ լիարժեք լիցքափաթման համար՝ միավորելով հոգին, մարմինն ու միտքը։

Սպա կենտրոն

Հնագույն մերսման տեխնիկաների և նորագույն էսթետիկ խնամքի մեթոդների համադրությամբ՝ մեր Relax Spa Center-ը առաջարկում է Ani Plaza Hotel-ի հյուրերին լիարժեք հանգստի, մարմնի վերականգնման և հոգեկան հավասարակշռության լավագույն փորձառություն։

Մերսումներ, դեմքի և մարմնի խնամք, քաշի նվազեցման և ցելյուլիտի դեմ ծրագրեր՝ ընդամենը մի մասն են մեր առաջարկվող ծառայություններից։ Մեր անձնակազմի բարձր պրոֆեսիոնալիզմի և մշտական կատարելագործման ձգտման շնորհիվ՝ սպա կենտրոնը 2016 թվականին արժանացել է «Որակի Ոսկե Միջազգային Աստղ» մրցանակին։

Մեր մասնագետների կողմից օգտագործվող բաղադրիչները բնական են և հիպոալերգիկ։ Ուստի առանց երկմտելու՝ Ձեզ թույլ տվեք վայելել արժանի հանգիստը՝ ընտրելով մարմնի խնամքի փաթեթներ՝ ծովային ջրիմուռներով, կավով, ջերմային մուսով, շոկոլադով, խաղողով կամ մեղրով։ Արդյունքում կունենաք գեղեցիկ, թարմացած և խնամված տեսք, ինչպես միշտ։